Pressemeddelelse fra DMI – Danmarks Meteorologiske Institut
Kalaallit Nunaanni inuppassuit Facebook atugarilereerpaat. Taamaattumik DMI Facebook-imi qupperniliorpoq, nunatsinni inuit Facebookikkuunerusoq nutaarsiassanik pissarsisartut atuagassaqartikkumallugit. Maanna DMI-mit paasissutissat silamut tunngasut kalaallisut qallunaatullu pissarsiarisinnaalissavaat.
Pisortaq Marianne Thyrring oqarpoq:
“DMI-mi ullut tamaasa sulissutigisarparput naalagaaffeqatigiinni innuttaasut tunniussinnaasatsinnik iluaquteqarnissaat. Silamut silallu pissusianut tunngasunik ilisimasarpassuaqarpugut taakkulu Kalaallit Nunaanni innuttaasut aamma iluaqutigisinnaavaat – ullormiit ullormut silassamut tunngasinnaapput imaluunniit silarlulillaraangat silalu ulorianartillugu. Facebook-imi quppernitsinni kalaallisut allassimasumi taamaaliornissatsinnut periarfissarissaarnerussaagut, qilanaarpugullu aallartinnissatsinnut.”
DMI-p Facebook-imi quppernerani Kalaallit Nunaanni silassaq ullut tamaasa atuarneqarsinnaasassaaq, Piterarnissaanillu aarlerisaarineq immikkut sammineqartassalluni. Ukiup naajartornerani silassat aarlerisaarutit aallaanerusut aamma ilanngunneqarumaarput. DMI-milu nutaarsiassat Kalaallit Nunaannut attuumassutillit quppernermi tassani aamma ilanngunneqartassapput. Tassaasinnaapput nutaarsiassat silamut tunngasut, sikumik alapernaarsuinermit nutaarsiassat, sikoqarneranut tunngasut imaluunniit nutaarsiassat silap pissusiata allanngoriartorneranut tunngasut Nationalt Center for Klimaforskning (NCKF)-imeersut. Imarisai tamarmik qallunaatut kalaallisullu allassimassapput.
Sapinngisamik apeqqutit silamut tunngasut Facebook-imi quppernitsinni akiniartassavagut. DMI-mulli allanik apeqqutissallit atuisunut sullissivik aqqutigalugu apeqquteqarunik pitsaanerussaaq.
DMI-p Facebook-imi quppernera nutaaq Kalaallit Nunaannut tunngasoq uani nassaariguk:
Kontakt:
DMI Kommunikation tlf.: 39157509 email: presse@dmi.dk
Læs hele pressemeddelelsen på Via Ritzau her: https://via.ritzau.dk/pressemeddelelse/dmi-p-facebook-imi-quppernera-kalaallisut-allassimasoq-piareerpoq?releaseId=13618344
** Ovenstående pressemeddelelse er videreformidlet af Ritzau på vegne af tredjepart. Ritzau er derfor ikke ansvarlig for indholdet **
